Laŭ Azerbaijan News la 21-an de junio, la Ŝtata Dogana Komitato de Azerbajĝano raportis, ke en la unuaj kvin monatoj de 2021, Azerbajĝano eksportis 1,3 miliardojn da kubaj metroj da natura gaso al Eŭropo, taksita je 288,5 milionoj da usonaj dolaroj.

El la totala naturgaso eksportita, Italio okupas 1,1 miliardojn da kubaj metroj, kun valoro de 243,6 milionoj da usonaj dolaroj. Ĝi eksportis 127,8 milionojn da kubaj metroj da tergaso kun valoro de 32,7 milionoj da usonaj dolaroj al Grekio kaj 91,9 milionojn da kubaj metroj da tergaso kun valoro de 12,1 milionoj da usonaj dolaroj al Bulgario.

Oni devas rimarki, ke dum la raporta periodo, Azerbajĝano eksportis entute 9,1 miliardojn da kubaj metroj da natura gaso kun valoro de 1,3 miliardoj da usonaj dolaroj.

Krome, Turkio respondecas pri 5,8 miliardoj da kubaj metroj de totalaj tergaseksportoj, taksitaj je 804,6 milionoj USD.

Samtempe, de januaro ĝis majo 2021, 1,8 miliardoj da kubaj metroj da tergaso kun valoro de 239,2 milionoj da usonaj dolaroj estis eksportitaj al Kartvelio.

Azerbajĝano komencis disponigi komercan tergason al Eŭropo per la Trans-Adriatika Dukto la 31-an de decembro 2020. La Energiministro de Azerbajĝano Parviz Shahbazov antaŭe deklaris ke la Trans-Adriatika Dukto, kiel alia energiligo inter Azerbajĝano kaj Eŭropo, plifortigos la strategian rolon de Azerbajĝano en energia sekureco, kunlaboro kaj daŭripova evoluo.

La duafaza tergaso evoluigita per la Shahdeniz-gaskampo en Azerbajĝano, situanta en la azera sekcio de la Kaspia Maro, estas liverita tra la Suda Kaŭkaza Dukto kaj TANAP. La komenca produktadkapacito de la dukto estas proksimume 10 miliardoj da kubaj metroj jare, kaj eblas pligrandigi la produktadkapaciton al 20 miliardoj da kubaj metroj.

La Suda Gasa Koridoro estas iniciato de la Eŭropa Komisiono por establi tergasan provizvojon de la Kaspia Maro kaj la Proksima Oriento ĝis Eŭropo. La dukto de Azerbajĝano ĝis Eŭropo inkludas la Sud-Kaŭkazan dukton, la Trans-Anatolian dukton kaj la Trans-Adriatikan dukton.

Zhu Jiani, tradukita el Azerbaijan News Network